Нидерландия терма жамоаси собиқ ҳужумчиси Марко ван Бастеннинг фикрича, ҳамюрти Донни ван де Бек "Манчестер Юнайтед" клубига ўтиб хато қилган.

— Биламан, у аввалгига қараганда ҳозир кўпроқ маош ишлаб топяпти. Аммо, энг яхши футболчи сифатида танқидий муносабатда бўлиш ва янги жамоа билан шартнома имзолашдан олдин ўз имкониятларини чамалаб кўриш керак. Донни "Манчестер Юнайтед" клубига ўтмаслиги керак эди, у хато қилди. Яхши футболчи ҳар хафта майдонга тушишни хоҳлайди. У каби футболчига мавсум бошидан бери шу кунгача атиги 6-7 ўйинда иштирок этиш жуда ёмон натижа. У энг яхши истиқболни кутиши керак эди, — ван Бастеннинг сўзларидан иқтибос келтирмоқда Sky Sports.