Жозеп Бартомеу «Барселона» президентлигидан истеъфога чиқишига изоҳ берди.

«Истеъфога чиқаётганимни, шунингдек, директорлар кенгаши ҳам ишдан кетаётганлигини эълон қиламан. Бу умумий қарор.

Европа Чемпионлари Лигасидаги мағлубиятдан кейин (гап «Бавария»га қарши 2:8 ҳисобидаги ўйин ҳақида кетмоқда) энг оддий ечиб истеъфога чиқиш эди.

Мағлубиятдан кейин дарҳол клубнинг барқарор келажагини кафолатлайдиган асосий қарорлар қабул қилиниши керак эди. Буни пандемия пайтида қилиш керак эди, лекин биз клубни маҳорати чекланган раҳбарлар қўлига топшира олмадик.

Ким мураббийни таклиф қиларди, ким футболчилар билан шартнома имзоларди? Ким Мессини олиб қоларди, маошларни оптималлаштиришга ким эришарди? Булар директорлар кенгашининг вазифалари эди.

Кейинги мавжуд сана учун сайловни белгилаб қўйдик. Бир неча ҳафта аввалги истеъфо муҳим қарорлар қабул қилинишидан олдин клубни инқирозга олиб келарди. Сайловлар март ойида ўтказилишини ҳисобга олган ҳолда, бизда истеъфога чиқишга асос йўқ эди. Босим сабабли қочиб кетишни хоҳламадик. «Барселона»да бўлажак сайловлар ва янги раҳбариятнинг келиши тартибли бўлиши керак эди», – деди Бартомеу.