Бугун 60 ёшини қарши олган аргентиналик афсований собиқ футболчи Диего Марадона "Барселона"дан кетмоқчи бўлган Лионель Месси ҳақида фикр билдирди.

– Месси ва Бартомеуларнинг «Барселона»даги вазиятини қандай кузатдингиз? Унинг ўрнида бўлганингизда эшикни ёпиб чиқиб кетган бўлармидингиз?

– Билгандим буни ёмонлик билан тугашини. Лео кетади деб ўйлагандим. Бундай воқеа мен билан ҳам такрорланган. «Барселона» – оддий клуб эмас. Месси кўп йилларни у ерда ўтказди ва унга муносиб муносабатда бўлишмади.

Лео уларга ҳамма нарсани берди, уларни юқорига олиб чиқди. Бир мунча муддат ўтгач Лео вазиятни ўзгартиришни хоҳлади ва клуб унинг кетишига қаршилик қилди.

Эшикни шунчаки ёпиб кетиш осон бўлмайди, шартнома бор, у ерда одамлар сени яхши кўради. Мен «Наполи»да бундай қилмаган бўлардим, – деди Марадона.