Лондоннинг «Арсенал» клуби бош мураббийи АПЛ доирасида «Манчестер Юнайтед» клубига қарши бўлиб ўтадиган учрашув ҳақида фикр билдирди.

Микель Артета АПЛнинг 7-тури доирасида «қизил иблислар»га қарши бўладиган учрашувда ўз шогирдлари олдига қандай вазифа қўймоқчи эканлигини яширмади.

«Ўз майдонимизда «Лестер» клубига имкониятни бой бериб қўйишимиз бироз оғриқли бўлди. Бу биз кутган натижа эмасди. Айниқса, қандай қилиб мағлуб бўлганимизни бизни хафа қилди.

Ушбу мағлубиятга футболчилар ўзгача муносабатда бўлишди ва Европа Лигасида «Дандолк» клубини мағлуб этдик. Энди олдимизда «Олд Траффорд»да бўлиб ўтадиган учрашув турибди ва ушбу ўйинда «Манчестер Юнайтед» устидан ғалаба қозониб, уч очкони қўлга киритмоқчимиз", — деди Микель Артета.