Лондоннинг "Челси" клуби бош мураббийи Фрэнк Лэмпард АПЛга учт нафар футболчини алмаштириш қоидасини қайтариш шарт эмасди деб ҳисобламоқда.

— Пеп Гвардиоланинг изоҳларини ўқидим, ўйлайманки, у буни албатта сезган. Бу мавсум бошқаларига ўхшамайди ва буни ҳеч биримиз назорат қила олмаймиз. Турли хил вақтларда бўладиган жароҳатларни назорат қила олмаймиз. Қолаверса, мавсумнинг ушбу босқичида жароҳатлар одатдагидан кўра кўпроқ бўлади.

АПЛ ва бошқа клублар уч нафар футболчини алмаштириш қоидасини қайтариш бўйича қабул қилган қарори баҳсли эди деб ҳисоблайман. Ҳозир бизда мисли кўрилмаган вақтлар бўлмоқда ва бу тез орада тугамайди. Барча клубларда футболчилардан кўп нарсаларни талаб қилишмоқда, улардан кўп нарсаларни кутишмоқда ва мен ҳозир фақатгина ўз жамоам ҳақида гапирмаяпман. Мен кун ора ўйнаши ва жароҳат олиш хавфи туғдириши ошиб бораётган АПЛнинг барча клублари ҳақида гапиряпман, - Лэмпарднинг сўзларидан иқтибос келтирмоқда "Челси" матбуот хизмати.