Каталониянинг "Барселона" клуби вақтинча президенти Карлес Тускетснинг фикрича, жамоа қишки трансфер бозорида янги футболчи сотиб олишни режалаштирмаяпти.
— Ўйлайманки, биз футболчи текинга келаётгандагина олдинга қадам ташлашимиз мумкин ёки футболчи трансфер ойнаси очиқ пайтида сотилса, у ҳолда уни харид қилишимиз мумкин. Клуб мустаҳкам пойдеворда турибди ва унинг келажаги кучли. Иш столимизда катта даромад келтирадиган катта шартномалар турибди. Агар биз барчамиз олдимизга қўйилган вазифани бажаришга сидқидилдан ёндошсак, у ҳолда муваффақиятга эришишимиз мумкин, - Тускетснинг сўзларидан иқтибос келтирмоқда клуб матбуот хизмати.
