Италиянинг "Интер" клуби бош мураббийи Антонио Конте ЕЧЛнинг 3-тур доирасида Мадриднинг "Реал" клубига қарши бўлиб ўтадиган учрашувдан олдин ташкил этилган матбуот анжуманида иштирок этди.
"Бу баҳс биз учун финалми? Бу гуруҳ босқичи ўйини, лекин бу баҳс биз учун жуда муҳим ва рақиб учун ҳам шундай аҳамиятга эга. Вазифа - олдинга бориш ва гуруҳдан чиқиш. Биламиз, ўз кучини сўнгги йилларда кўрсатиб келаётган жамоага қарши қийин учрашув кутиб турибди. "Реал"га катта ҳурмат билан қараймиз, лекин биз ўз ўйинимизни намойиш этмоқчимиз. Ким кучли бўлса - ўша ғалаба қозонсин!
Зидан? Бу ажойиб шахс. Ўйинчи сифатида ҳам, мураббий сифатида ҳам уни жуда яхши биламиз. У доим дам олишсиз ишлаган, табиий иқтидорига қарамасдан, у машғулотларда доим биринчи қаторда турарди. У ажойиб инсон. У ҳақда фақат яхши нарсаларни гапиришим мумкин. Ҳамма уни доим севади", - Контенинг сўзларидан иқтибос келтирмоқда УЕФА расмий сайти.
