Лондоннинг «Тоттенхэм» клуби ҳимоячиси Танги Ндомбеле жамоа бош мураббийи Жозе Моуриньо билан муносабатлари яхшиланиб қолганини тасдиқлади.
«Менинг трансферим шахсан «Тоттенхэм» президенти тарафидан таъқиқланганди. У «Интер»дан тушган таклифга рад жавоб берди. Леви жамоада қолишимни хоҳлаганди. Шунингдек, ўзим ҳам нималарда қодир эканлигимни исботлашга ҳаракат қилдим. Ўтган мавсумда менинг ўйинларим яхши кўриниш олмади.
Моуриньо билан юзага келган келишмовчиликлар ортда қолди. Ўйлайманки, яқинда менинг ҳаракатларим натижасини мухлислар кўришади. Асосийси, мураббийда қандай иштиёқим борлигини кўрсата олдим. Мураббий билан муносабатларим нормал ҳолатга келди, ҳар биримиз ўз нафсимизни тинчлантириб олдик. Энди бу клуб фойдасига ишлайди», — деди Танги Ндомбеле.
