Италиянинг «Интер» клуби бош мураббийи Антонио Конте «Реал» жамоасидан қабул қилиб олинган мағлубият ҳақидаги фикри билан ўртоқлашди.

«Бу менинг «Интер»им, уни яхши ва ёмон томонларини жуда яхши биламан. Ўйлайманки, ўсиш учун бундай лаҳзалар жуда зарур. 0:2 ҳисобида ортда қолаётганимизда рақиб бизга иккита гол совға қилди ва шундан сўнг ўйинга қайтдик.

Ўйинда қайд этилган натижа футболчиларнинг нималарга лойиқ эканлигини англатмайди. Ўйлайманки, голгача бўлган вазиятда Менди Хакимига нисбатан фол ишлатди. Биз стандартларга кўпроқ эътибор қаратишимиз керак эди.

«Реал»дагилар бизга қарши ўйинни худди финалга тенг деб атадилар, шунинг учун улар ўйинга барча кучларини тикди ва ўйин натижаси жуда муҳим эканлигини тушунишди. Айтишим мумкинки, мен жамоамнинг кўрсатган ўйинидан қониқдим, лекин бундай ўйинлар тақдирини майда деталлар ҳал қилади», – деди Конте.