Opta порталининг маълумотига қараганда, "Ливерпул"нинг мисрлик ҳужумчиси Муҳаммад Салоҳ ЕЧЛнинг 3-тур доирасида "Аталанта" (5:0) дарвозасини ишғол этди.
Бу Салоҳнинг "Ливерпуль" таркибида ЕЧЛдаги 21-голига айланди. Шу тариқа, 28 ёшли мисрлик ҳужумчи "қизиллар" таркибида ЕЧЛда гол уриш борасида Стивен Жеррардга етиб олди.
Ҳозирч Салоҳ ушбу кўрсаткич бўйича биринчи ўринни "Энфилд"нинг афсонаси билан эгаллаб турибди. Лекин, Салоҳ агар кейинги ўйинларда ушбу турнирда гол киритадиган бўлса, у ҳолда "Ливерпуль" таркибида ЕЧЛда энг кўп гол урган ягона футболчига айланиб олади.
