УЕФА камситувчи характердаги сўзлар учун Озарбайжоннинг "Қорабоғ" клуби матбуот хизмати бошлиғини жазолади.
Клуб матбуот котиби Нурлан Ибрагимов ўзининг "Фейсбук"даги расмий саҳифаси орқали барча арман миллатига мансуб бўлган инсонларни ўлдириб юбориш кераклигини ёзган эди. Арманистон Футбол Федерацияси раҳбарияти "Қорабоғ" клубини еврокубок мусобақаларидан четлатишни талаб қилганди.
УЕФА ижроқўмитаси Ибрагимовни футбол билан боғлиқ ҳар қандай фаолиятини вақтинчалик тўхтатди. УЕФА бу иш бўйича якуний қарорни кейинроқ қабул қилади.
«Қорабоғ» клуби Европа Лигасининг гуруҳ босқичларига иштирок этмоқда. Гуруҳ босқичининг ўтказилган икки турида озарлар очко жамғара олишмади. Улар Испаниянинг «Вильярреал» ва Исроилнинг «Маккаби» клубларига мағлуб бўлишган
