Англиянинг "Ливерпуль" клуби бош мураббийи Юрген Клопп АПЛ доирасида "Манчестер Сити" (1:1) клубига қарши бўлиб ўтган ўйиндан кейинги фикрлари билан ўртоқлашди.
"Тўғрисини айтганда, супер футбол ўйини бўлди. Энг яхши икки жамоа катта курашларга тайёр эди, икки клубнинг ҳам энергияси ақлбовар қилмас даражада эди. 10-15 дақиқа ўтгач футболчилар қандай нафас олишаётганини кўришингиз мумкин эди. "Манчестер Сити" бизга қарши кўп ҳам вазиятларга эга бўлмади. Футболчиларим "Сити"нинг ўйин тизимини ўзгартириш учун тинглашга, мослашишга ва ижро қилишга тайёр эди. Биз янада кўплаб вазиятларни содир этишимиз мумкин эди", - Клоппнинг сўзларидан иқтибос келтирмоқда Sky Sports.
