Лондоннинг "Челси" клуби собиқ ҳужумчиси Жимми Флойд Хассельбайнк «Манчестер Юнайтед»нинг АПЛ ғолиблигидаги имконияти ҳақида фикр билдирди. Унинг сўзларига қараганда, "МЮ"нинг марказий ярим ҳимоясига сифатли футболчилар етишмаяпти.
«Ўйлайманки, уларнинг жамоасида катта муаммолар бор. Улар ҳимояда ва олдинга ўтиш борасида муаммога дуч келишмоқда. Улар аввалгидек яхши эмас. Бу бир тарафдан яхши, чунки «Манчестер Юнайтед» бўлгани учун улардан жуда кўп нарса кутяпмиз. Чемпион бўлиш учун ёки чемпионликка давогарлик қилиш учун Фред ва Мактоминейларнинг иқтидори камлик қилади», - деди Хассельбайнк Premier League Productions билан суҳбатда.
