Туриннинг «Ювентус» клуби собиқ директори Лучано Моджи жорий мавсум Италияда ким чемпион бўлиши мумкинлиги ҳақида фикр билдирди.
«Наполи» Скудетто учун жиддий номзод саналади. Женнаро Гаттузо шогирдларининг кучларини албатта камситмаслик керак. Ўйлайманки, айнан неаполликлар Италиянинг топ клубларида орасида ўз кучларига ишонишади.
Одатда фаворитлар «Ювентус» ва «Интер» клублари саналади, бироқ, улар ҳали ўз иқтидорларини намойиш эта олишмади. «Кекса Синьора» энди Андреа Пирло қўл остида ўз футболини намойиш этишга ҳаракат қилишмоқда. «Нерадзурилар»нинг кучи эса Ромелу Лукакунинг ҳаракатларига боғлиқ», — деди Лучано Моджи.
