Германиянинг собиқ ярим ҳимоячиси Бастиан Швайнштайгер терма жамоа бош мураббийи Йоахим Лёвнинг "Бавария" футболчилари - Томас Мюллер ва Жером Боатенгларни бош жамоага жалб қилмаслик ҳақидаги қарорига қўшилмади.
«Терма жамоа мураббийи ва унинг штаби битта фикрга эга, афсуски, мен эса бошқача фикрга. Жером Боатенг ва Томас Мюллер Европанинг энг яхши жамоаси билан требл натижасини қайд этишди. Улар мунтазам равишда сифатли ўйнайдиган немис футболчилари.
Испания терма жамоасига қарши ўйинларда майдонда юқори савиядаги ва юқори тажрибага эга ажойиб футболчилар борлиги муҳимдир. Германия ҳали керакли даражада эмаслигини кўришингиз мумкин », - дея Швайнштайгер ARD билан суҳбатда.
