Римнинг «Рома» клуби раҳбарияти жамоа бош мураббийи Пауло Фонсеко билан қандай ҳолатда шартномани узайтириш ниятида эканлигини маълум қилди.
2019 йилда жамоани қабул қилиб олган 47 ёшли португалиялик мутахассиснинг амалдаги шартномаси шу мавсумнинг охиригача мўлжалланган. Бироқ, агар "Рома" мавсум якунига кўра, ЕЧЛга йўлланмани қўлга киритса, у ҳолда амалдаги шартнома 2022 йилгача узайтирилади, дея хабар бермоқда Football Italia.
Манбанинг ёзишича, «Рома» раҳбарияти Фонсеко билан янги шартнома борасида музокараларни бошлаган.
А Сериянинг 7 та ўйинидан кейин «Рома» турнир жадвалининг 4-поғонасини банд этиб турибди.
