Rimning «Roma» klubi rahbariyati jamoa bosh murabbiyi Paulo Fonseko bilan qanday holatda shartnomani uzaytirish niyatida ekanligini ma’lum qildi.
2019 yilda jamoani qabul qilib olgan 47 yoshli portugaliyalik mutaxassisning amaldagi shartnomasi shu mavsumning oxirigacha mo‘ljallangan. Biroq, agar "Roma" mavsum yakuniga ko‘ra, YECHLga yo‘llanmani qo‘lga kiritsa, u holda amaldagi shartnoma 2022 yilgacha uzaytiriladi, deya xabar bermoqda Football Italia.
Manbaning yozishicha, «Roma» rahbariyati Fonseko bilan yangi shartnoma borasida muzokaralarni boshlagan.
A Seriyaning 7 ta o‘yinidan keyin «Roma» turnir jadvalining 4-pog‘onasini band etib turibdi.
