Каталониянинг «Барселона» клуби бош мураббийи Роналд Куман Лионель Мессининг келажаги ҳақида фикр билдирди.
Мессининг «Манчестер Сити»га ўтиши ҳақида:
«Мен уни «Барселона»дан бошқа клубда тасаввур қила олмайман. Бу саволга бошқа жавоб қайтаришни истамайман».
Мессининг келажаги ҳақида:
«Шартнома бўйича у яна бир йил таркибимизда бўлади. Ҳозирча унинг келажаги шундай. Умид қиламанки, у жамоамизда қолади. Мен Леонинг қарорини ўзгартиришга ҳаракат қиладиган инсон эмасман. Воқеалар ривожини кузатамиз. У ҳали «Барселона» футболчиси, – деди Куман.
