Коронавирусга чалинган Италия терма жамоаси бош мураббийи Роберто Манчини карантиндан қайтгач, қайта тест топширди. Топширилган тест натижалари манфий чиққанини бош мураббийнинг ўзи маълум қилди.
"Бугун топширган тест натижаларим манфий чиқди. Менда ҳаммаси жойида", - 55 ёшли Манчинининг сўзларидан иқтибос келтирмоқда Football Italia.
Эслатиб ўтамиз, Италия терма жамоаси устози ноябрь ойинининг бошида коронавирусга чалинганди ва шу сабабли Эстония (4:0), Польша (2:0) ҳамда Босния ва Герцеговина (2:0) терма жамоаларига қарши ўйинда иштирок эта олмаганди.
