Sky Sports порталининг тарқатган маълумотига қараганда, Англиянинг "Манчестер Сити" клуби "Барселона"нинг аргентиналик футболчиси Лионель Месси билан қишда музокара олиб боришни режалаштирганди.
Январь ойида Мессининг амалдаги шартномаси якунланишига ярим йил қолади ва у бошқа клублар билан музокара олиб бориш ҳуқуқига эга бўлади.
Бироқ, манбанинг ёзишича, «Манчестер Сити» Мессига таклиф юбориш фикридан воз кечди. "Шаҳарликлар" трансфер бозоридаги режаларини ўзгартиришди ва эътиборини бошқа футболчиларга қаратишни маъқул кўришди.
Эслатиб ўтамиз, Месси "Барселона" таркибида 2003 йилдан бери ўйнаб келмоқда.
