"Милан" ҳужумчиси Златан Ибраҳимович Италия чемпионатининг 8-туридан ўрин олган "Наполи"га қраши ўйинда 2та гол урди. Швециялик футболчи Европанинг кучли бешта чемпионатларидаги голлари сонини 288тага етказиб олди.

"Stats Foot" тарқатган хабарга кўра, 39 ёшли футболчи тўпурарлар рўйхатидан "Ливерпуль" клубининг собиқ футболчиси Гордон Хожсонни ортда қолдириб, 8-ўринга кўтарилиб олди.

Ушбу рўйхатда биринчи ўринни "Ювентус" форварди Криштиану Роналду эгаллаб турибди. Португалиялик футболчи Европанинг топ-5 чемпионатлари доирасида 455та гол урган. Иккинчи поғонани эса 447та гол билан Лионель Месси эгаллаб турибди.

Европанинг топ-5 чемпионатларидаги энг яхши тўпурарлар:

1. Криштиану Роналду ("Ювентус") - 455;

2. Лионель Месси ("Барселона") - 447;

3. Жимми Гривз - 366;

4. Герд Мюллер - 365;

5. Стив Блумер - 317;

6. Дикси Дин - 310;

7. Делио Оннис - 299;

8. Златан Ибраҳимович ("Милан") - 288;

9. Гордон Хожсон - 287.