Сocа Cola Супер лигасининг 24-турида Муборакнинг “Машъал” жамоаси Наманганнинг “Навбаҳор” жамоасига қарши майдонга тушади.

Учрашув расмийлари
Муборакда бўлиб ўтадиган " Машъал " – “Навбаҳор” учрашувини Рустам Лутфуллин бошқариб боради. Унга қанотларда Тимур Галеев ва Александр Сидоровлар ёрдам беришади. Учрашувда захира ҳаками сифатида Тўрабек Суюнов ишлайди. Ҳакамлар ишини Бобур Ҳайдаров назорат қилади. Учрашув комиссари: Ойбек Юнусов.

Биринчи давра
22 август куни биринчи давранинг 11-турида Тошкентдан бўлиб ўтган учрашувуда “Газчи”лар “Навбаҳор” жамоасини кичик 1-0 мағлубиятга учратган. Учрашувдаги ягона голни Самандар Шукуриллаев киритган
 
Ўзаро ўйинлар
“Навбаҳор” ва “Машъал” шу кунгача чемпионат баҳсларида 35 марта тўқнаш келган. Уларнинг 15тасида "Машъал", 13тасида "Навбаҳор" ютуққа эришган. 7 ўйин дуранг билан якунланган. "Газчи"лар рақиб дарвозасини 43 бор ишғол қилган бўлсалар, наманганликлар эса 46 гол уришган.

“Навбаҳор”нинг ўзаро ўйинларда қозонган энг йирик ғалабаси – 8:0. “Машъал”да бу кўрсаткич 5:0 бўлиб турибди.

Бошланиш вақтлари
“Машъал” – “Навбаҳор” учрашуви 24-ноярбь сешанба куни соат 13:00 да бошланади. Учрашув спорт телеканалидан тўғридан тўғри олиб кўрсатилади.