Soca Cola Super ligasining 24-turida Muborakning “Mash’al” jamoasi Namanganning “Navbahor” jamoasiga qarshi maydonga tushadi.

Uchrashuv rasmiylari
Muborakda bo‘lib o‘tadigan " Mash’al " – “Navbahor” uchrashuvini Rustam Lutfullin boshqarib boradi. Unga qanotlarda Timur Galeev va Aleksandr Sidorovlar yordam berishadi. Uchrashuvda zaxira hakami sifatida To‘rabek Suyunov ishlaydi. Hakamlar ishini Bobur Haydarov nazorat qiladi. Uchrashuv komissari: Oybek Yunusov.

Birinchi davra
22 avgust kuni birinchi davraning 11-turida Toshkentdan bo‘lib o‘tgan uchrashuvuda “Gazchi”lar “Navbahor” jamoasini kichik 1-0 mag‘lubiyatga uchratgan. Uchrashuvdagi yagona golni Samandar Shukurillayev kiritgan
 
O‘zaro o‘yinlar
“Navbahor” va “Mash’al” shu kungacha chempionat bahslarida 35 marta to‘qnash kelgan. Ularning 15tasida "Mash’al", 13tasida "Navbahor" yutuqqa erishgan. 7 o‘yin durang bilan yakunlangan. "Gazchi"lar raqib darvozasini 43 bor ishg‘ol qilgan bo‘lsalar, namanganliklar esa 46 gol urishgan.

“Navbahor”ning o‘zaro o‘yinlarda qozongan eng yirik g‘alabasi – 8:0. “Mash’al”da bu ko‘rsatkich 5:0 bo‘lib turibdi.

Boshlanish vaqtlari
“Mash’al” – “Navbahor” uchrashuvi 24-noyarb seshanba kuni soat 13:00 da boshlanadi. Uchrashuv sport telekanalidan to‘g‘ridan to‘g‘ri olib ko‘rsatiladi.