Германия терма жамоаси Испания билан ўйинда 0:6 ҳисобида ютқазганидан кейин Германия футбол иттифоқи (DFB) миллий жамоа бош мураббийи Йоахим Лёвнинг келажаги борасида баёнот берди.
«DFB президиуми миллий терма жамоанинг натижаларини баҳолаш ва муҳокама қилиш учун йўл харитасини белгилаб олди. Бу, шунингдек, миллий терма жамоа бош мураббийига юзага келган вазиятни таҳлил қилиш учун вақт беради. Севильядаги оғир мағлубиятни нафақат спорт нуқтаи назаридан, балки мутахассис шахсий ҳаётини ҳам таҳлил қилиб олиши керак.
Германия футбол иттифоқининг 4 декабрь куни бўлиб ўтадиган йиғилишида терма жамоанинг бош менежери Оливер Бирхофф Бундестимнинг ҳолатига баҳо берилган ҳисоботни тақдим этади. Ҳисобот нафақат Испания терма жамоаси билан ўйиндаги мағлубият сабабларини, балки жамоанинг сўнгги 2 йилдаги ривожланиши даражаси ҳақида таҳлил натижаларини ҳам ўзида акс эттиради.
DFB маслаҳатлашув натижаларини ва кейинги чоралар ҳақида маълумот беради», — дейилади Германия футбол иттифоқи тарқатган баёнотда.