Туриннинг "Ювентус" клуби ҳужумчиси Пауло Дибала соғлиги билан боғлиқ муаммолардан фориғ бўлди. Шу сабабли, клуб бош мураббийи Андреа Пирло унинг хизматидан фойдаланишга тайёр.
«Дибала тайёр. У доим шуғулланиб келди, «Кальяри»га қарши ўйинда яхши иштирок этди.
Роналду ва Мораталар билан биргаликда майдонга тушиши мумкинми? Афсуски, ҳозирда учала ҳужумчимизнинг бир вақтда майдонга тушириш имкониятимиз йўқ. Биз бу ҳақда мавсум бошидан бери ўйлаб келяпмиз. Кейинчалик уч ҳужумчини бир вақтда майдонга тушириш учун мувозанатни топиш ва тўғри структурани тузишимиз керак», – деди Пирло.
«Ювентус» сешанба куни ЕЧЛ доирасида «Ференцварош» клубига қарши баҳс олиб боради.
