Мюнхенликлар етакчиси ўз келажаги ҳақида гапириб ўтди.
«Менинг олдимда ҳали 2 ярим йиллик шартнома муддати турибди. Шунинг учун бу ҳақда ўйлашга ҳали эрта. Кейин нима бўлишини билмайман. Клубимни яхши кўраман, бироқ шартномам тугагач қайси қарорда тўхталишим номаълум», - дейди полшалик суперфорвард.
Эслатиб ўтамиз, Левандовскининг амалдаги шартномаси 2023 йилнинг ёзига қадар мўлжалланган.
У жорий мавсум «қизиллар» сафида 10 та ўйинда майдонга тушиб, 13та гол уришга эришган ва «The Best» совринига асосий даъвогарлар рўйхатида турибди.
