Каталониянинг «Барселона» клуби собиқ вице-президенти Эмили Русо президентликни тарк этган Жозеп Бартомеу билан юзага келган зиддиятдан сўнг жорий йилнинг апрел ойида эгаллаб турган лавозимини тарк этганди. Орадан маълум муддат ўтгач, Русо клуб президентлиги учун номзодини илгари сурди.
Неймар ҳақида:
«Бугун биз уни ортга қайтаришга қодир эмасмиз. Бироқ, 2022 йилнинг ёзида унинг шартномаси якунланади. Биз унинг атрофдагилар билан гаплашдик ва унинг "ПСЖ" билан амалдаги шартномаси якунлангач, жамоамизга қайтаришимиз ҳақидаги масалани кўтардик. Неймарнинг ўзида ҳам «Барселона»га қайтиш истаги юқори.
Месси ҳақида:
«Мессининг келажаги ўзининг қўлида. Унинг амалдаги шартномаси шу мавсумнинг охирида якунланади. Биз у билан гаплашишга ҳаракат қиламиз, аммо, клубдаги молиявий вазиятни эътиборсиз қолдирмаймиз», – деди Русо.
