Stadion.uz айни дамда ўз қаҳрамони билан хайрлашаётган Aргентина халқига ҳамдардлик билдиради.

Ҳукумат аъзолари маҳаллий халқнинг талабига биноан Диего Aрмандо Марадона билан хайрлашиб олиш учун имконият яратиб берди.

Мамлакатда 3 кун мотам деб эълон қилинди. Ҳатто телеканалларда ҳам кўнгил очар дастурлар тўхтатилди. Бугун Aргентина вақти билан соат 6 да мухлислар собиқ футболчи билан хайрлашиш учун президент қароргоҳи саналган «пушти уй»га ташриф буюришни бошлади.

Барча футболчига ўзининг сўнгги сўзларини айтиб олиш истагида эди. Шу боис, эрта тонгдан президент қароргоҳи олдида тумонат одам йиғилди. Бу эса, турли тартибсизликлар келиб чиқишига ҳам сабаб бўлди десак, адашмаган бўламиз.

Марадона билан хайрлашиш икки суткага чўзилиб кетди. Маълумотларга қараганда, шанба куни мамлакат раҳбарлари футболчининг тобутини сўнгги йўлга кузатади. Унга қадар, мухлислар ташриф буюришлари мумкин.

Маълумотларга қараганда, сўнгги икки кун давомида афсона билан хайрлашиш учун миллиондан ортиқ инсонлар ташриф буюрган. Aслида, Aргентинада кучли карантин эълон қилинган, бироқ бундай вазиятда барча эшикларни очишга тўғри келмоқда.

Шундай бўлсада, пандемия қоидалари унутилиб қўйилмади. Хафвсизлик ходимлари ҳеч кимни тобут олдида узоқ ушланиб қолишига йўл қўйишмади, аммо мана бир ёғи йўқ ногирон мухлис учун истисно қилишди.

Деярли барча Марадона билан хайрлашув чоғида қандайдир совғалар ташлаб кетмоқда.

Президент қароргоҳига етиб бормаганлар воқеани катта экранларда томоша қилишмоқда. Деярли барча афсонавий футболчи, халқ қаҳрамони ва Aргентина «эркатойи»ни сўнгги бор кўриш илинжида.