Хабарингиз бор, бугун U-21 Биринчилигининг 25-туридан ўрин олган баҳсда Денис Тойменцов ва Алишер Маҳмудов мураббийлик қилаётган “Навбаҳор – U-21” ёшлар жамоаси ўз майдонида Олмалиқнинг АГМК ёшларини қабул қилиши лозим эди.
Аммо Қамчиқ довонида қор ёққанлиги боис, довон ёпилганлиги сабабли, олмалиқликлар Наманганга етиб кела олишмади.
Шу боис, бугун ўтказилиши керак бўлган “Навбаҳор” – АГМК ёшлар жамоалари ўртасидаги баҳс қолдирилди.
Ушбу ўйин эртага ўтказилиши мумкин. Бу ҳақда клубмизнинг ижтимоий тармоқлардаги саҳифаларида қўшимча маълумот берамиз.
“Навбаҳор” ПФК матбуот хизмати.
