Бразилиянинг «Васко да Гама» клуби спорт директори Фабио Корделла италиялик ҳужумчи Марио Балотелли билан эҳтимолий шартнома ҳақида фикр билдирди.

«У бу ерга келишни хоҳлади. «Васко» – совринларни қўлга киритиш борасида «Реал»дан кейин дунёда иккинчи ўринда туришини унутманг!

Марио бирор бир аҳмоқлик қилиш учун Риога келади деб ўйламайман. У етукликка эришган футболчи деб ҳисоблайман. «Васко» ирқчиликка қарши курашадиган клуб саналади. Умид қиламанки, у биз билан шартнома имзолашни кутиб туради.

Умуман олганда икки томон келишувга эришди, фақат расмиятчилик қолди холос. Умид қиламанки, у билан 15 январгача шартнома имзолаймиз. «Васко»га Балотеллидек футболчи керак, Балотеллига эса «Васко»дек клуб керак. У бизнинг мухлислар учун худди Марадона бўлади», – деди спорт директор Goal порталига.

Айни пайтда Балотелли эркин агент саналади. 30 ёшли италиялик ҳужумчининг сўнгги клуби Италиянинг «Брешиа» клуби бўлганди.