Жаҳон футболи афсонаси бразилиялик Пеле ўзининг "Инстаграм"даги расмий саҳифасида таъсирли постини Диего Армандо Марадонага бағишлади.

“Сенинг йўқлигингга етти кун бўлди. Инсонлар мен билан сени солиштиришни яхши кўришарди. Сен барчани ҳайратга солган ҳақиқий даҳо эдинг. Футбол сеҳргари эдинг. Ҳақиқий афсона. Аммо мен учун сен, авваламбор дўст ва катта юракка эга инсон эдинг.

Сен бебаҳосан. Одамлар камроқ таққослаб, кўпроқ илҳомланишса яхши бўларди.

Сенинг йўлинг ҳалоллик билан ажралиб турар эди. Сен бизга севишни ноёб усулда ўргатдинг. Бевақт оламдан кўз юмишинг менга буни жонли равишда айтишга имкон бермади, шунинг учун ёзаман: Диего, мен сени яхши кўраман!

Азиз дўстим, ушбу ажойиб биргаликда қилган саёҳат учун миннатдорман. Осмонда бир куни битта жамоада ўйнаймиз, албатта ўйнаймиз. Мен муштимни баланд кўтараман, аммо голни нишонлаш учун эмас. Мен буни қиламан, чунки сени яна қучоқлаш имкониятига эга бўламан », - деб пост қолдирди Пеле.