Jahon futboli afsonasi braziliyalik Pele o‘zining "Instagram"dagi rasmiy sahifasida ta’sirli postini Diyego Armando Maradonaga bag‘ishladi.
“Sening yo‘qligingga yetti kun bo‘ldi. Insonlar men bilan seni solishtirishni yaxshi ko‘rishardi. Sen barchani hayratga solgan haqiqiy daho eding. Futbol sehrgari eding. Haqiqiy afsona. Ammo men uchun sen, avvalambor do‘st va katta yurakka ega inson eding.
Sen bebahosan. Odamlar kamroq taqqoslab, ko‘proq ilhomlanishsa yaxshi bo‘lardi.
Sening yo‘ling halollik bilan ajralib turar edi. Sen bizga sevishni noyob usulda o‘rgatding. Bevaqt olamdan ko‘z yumishing menga buni jonli ravishda aytishga imkon bermadi, shuning uchun yozaman: Diyego, men seni yaxshi ko‘raman!
Aziz do‘stim, ushbu ajoyib birgalikda qilgan sayohat uchun minnatdorman. Osmonda bir kuni bitta jamoada o‘ynaymiz, albatta o‘ynaymiz. Men mushtimni baland ko‘taraman, ammo golni nishonlash uchun emas. Men buni qilaman, chunki seni yana quchoqlash imkoniyatiga ega bo‘laman », - deb post qoldirdi Pele.
