Sky Sports нашрининг тарқатган маълумотига қараганда, Англиянинг «Кристал Пэлас» ҳужумчиси Вильфрид Заа жамоада қолишга қарор қилди.

Агар 28 ёшли ивуарлик ҳужумчи шартномани узайтиришга рози бўлса, у ҳолда клуб раҳбарияти футболчининг маошини ошириб берилишига ваъда берди.

Эслатиб ўтамиз, «Тоттенхэм» ва «Арсенал» клублари Заа учун жиддий қизиқиш билдиришганди. Бироқ, "бургутлар" раҳбарияти ўз футболчининг трансфери учун 80 миллион фунт талаб қилгач, Лондоннинг икки клуби ҳам бу хариддан воз кечишганди.

Заа жорий мавсум АПЛнинг 8 та учрашувида майдонга тушиб, 5 та гол киритди ва иккита голга ассистентлик қилди.