«Реал» сардори Сехио Рамоснинг бугунги «Севилья»билан кечадиган ўйинда майдонга туша олмаслиги аниқ бўлиб улгурди.

Буни жамоа бош мураббийи Зидан ҳам тасдиқлаб ўтди. У ҳали тикланиш жараёнидаги футболчилар билан тўлиқ ишлай олмаслигини таъкидлаган.

Рамос терма жамоанинг халқаро йиғинида жароҳат олган эди ва «Реал» усиз ўйнаган «Вильярреал», «Алавес» ва «Шахтёр» жамоаларига қарши баҳсларда муҳим очколарни бой берди.

Эслатиб ўтамиз, «қаймоқранглилар» Ла Лига турнир жадвалида 17 очко билан 4-ўринни банд этиб туришибди ва пешақадам «Реал Сосьедад»дан 7 очко ортда боришмоқда.