Миланнинг «Интер» клуби ўнг қанот ҳимоячиси Данило Дамброзио тез орада клуби билан янги шартномага имзо чекишга яқин турибди.

Бу ҳақда Италия матбуоти хабар бермоқда. Лекин шартноманинг тўлиқ шартлари ҳали оммага очиқланганича йўқ. Бироқ «нерадзурри» раҳбарияти италиялик футболчига юқори ишонч билдирмоқда.

Эслатиб ўтамиз, Дамброзионинг клуб билан амалдаги шартномаси келаси йилнинг ёзида якунига етади. У «Интер»га 2014 йилда «Торино»дан келиб қўшилган бўлиб, шу пайтгача клуб сафида 219 та учрашувда майдонга тушган ва 19 гол, 17 ассистни қайд этган.