Мадриднинг «Реал» клуби бош мураббийи Зинедин Зидан жамоасини ўзгартириши мумкин. «Ювентус» раҳбарияти франциялик мутахассис атрофида бўлаётган воқеаларни синчковлик билан кузатишмоқда. Бу ҳақда Quotidiano Sportivo хабар бермоқда.
«Ювентус» раҳбарияти жамоанинг ҳозирги бош мураббийи Андреа Пирло қайд этаётган натижалардан қониқиш ҳосил қилмаяпти. Агар Пирло истеъфога чиқариладиган бўлса, у ҳолда унинг ўрнини эгаллаши мумкин бўлган номзодлар орасида Зидан асосийси саналади.
«Ювентус» А Сериянинг 10-туридан кейин турнир жадвалини 4-ўрнини эгаллаб турибди.
