Каталониянинг "Барселона" клуби дарвозабони Марк-Андре тер Штеген ЕЧЛ доирасида "Ювентус"дан қабул қилиб олинган мағлубиятдан кейинги фикрлари билан ўртоқлашди.
“0:3дан кейин ҳар доим ишлаш керак бўлган нарсалар бор. Ушбу учрашувда биз баъзи нарсаларга тайёр эмас эдик. Йўл қўймаслик керак бўлган хатоларга йўл қўйдик. Ҳимоямиздаги шахсий хатолар бизга қимматга тушди. Рақибга бошқача муносабатда бўлишимиз керак эди.
Баъзан бизга омад етишмади. Улар гол уриши билан биз майдонда йўқолиб қолдик. Аммо биз кучлироқ бўлишимиз керак бўлган босқичдамиз. Биз ўз вазифамизни бажаришимиз ва кўп ишлашимиз керак. Биз бошиданоқ кучлироқ бўлишимиз ва бироз кўпроқ нарсани беришимиз керак.
Бугунгача яхши ўйнадик ва қийин учрашувларда ғалаба қозондик. Бу бизда ёмон босқич рўй беряпти дейиш керак эмас. Биз кейинги босқичга биринчи ўринни эгаллаган ҳолда чиқмоқчи эдик. Биринчи ўринда чиқамизми, иккинчи ўринда чиқамизми, плей-оффда осон ўйинлар бўлмайди. Ўз ўйинимизни кучайтиришимиз керак.
Энди Ла Лига ҳақида ўйлашимиз керак. Бу энг муҳими. Биз максимал даражада очко жамғаришимиз керак. Бизни олдинда муҳим ўйинлар кутмоқда ва бу ўйинларда омадли ўйнашимиз бизнинг асосий мақсадимиз», - деди тер Штеген.
