Италиянинг «Интер» клуби ЕЧЛнинг 6-турида Донецкнинг «Шахтёр» клуби билан 0:0 ҳисобида дуранг натижага эришди.

«Нерадзуррилар» бош мураббийи Антонио Конте Европа Чемпионлари Лигасининг сўнгги 15 та учрашувида ("Челси"да ишлаган пайти ҳам инобатга олинган - таҳририят) атиги уч марта ғалаба қозонди, 6 та учрашувда дуранг ўйнаб, яна олтита ўйинда имкониятни бой берди.

Шунингдек, Конте «Ювентус»да ишлаган пайтида ЕЧЛда 34 та учрашуви ўтказиб, 12 та ғалаба, 11 та дуранг ва 11 та мағлубият натижасини қайд этган.