Таниқли футбол мутахассиси Алишер Никимбоев ўзининг телеграмдаги расмий каналида Нукуснинг "Орол" клуби келаси йил Суперлигада ўйнашини маълум қилди.
"Қорақалпоғистонда футболни ривожлантириш тўғрисида Ҳукумат қарори лойиҳаси эълон қилинди, унга кўра “Орол“ 2021 йилдан бошлаб Суперлигада ўйнайди. Бу аслида кутилган эди. Спорт тамойиллари яхши, аммо ҳукумат қарори муҳимроқ.
Шубҳасиз, энди Суперлигада 16 та жамоа бўлади. Қўшимча жойни ким эгаллаши ҳам аниқ. Демак, Суперлигага қайтиш билан нафақат "Орол"ни, балки “Нефтчи“ни ҳам табриклаш мумкин" - деб пост қолдирди.
Хабарингиз бор, Суперлиганинг 13-поғонасини банд этган "Андижон" 15 декабрь куни Про Лиганинг 2-ўринини банд этган Фарғонанинг "Нефтчи" жамоаси билан ўтиш ўйинида майдонга тушиши керак эди.
Ҳозирча бу борада на ЎФА, на ПФЛ расмий маълумот бермади.
