«Реал» бош мураббийи Зайниддин Зидан Ла лиганинг 13-тури доирасида бўлиб ўтган «Атлетико»га қарши ўйин (2:0) борасида ўз фикрини билдириб ўтди.

«Бутун учрашув давомида кўрсатган ўйинимиздан қониқиш ҳосил қилдим. Биз буни ажойиб тарзда уддаладик! «Атлетико» Ла лига доирасида 26та ўйиндан бери ютқазмаётган эди.

Биз майдоннинг ҳар бир қисмида рақибга босим ўтказдик, «Атлетико»нинг кўзини очирмадик. Ўйинни жуда яхши назорат қилдик. Рақибда фақат битта имконият бўлди — Саулда.

Кроос ва Модрич? Рақиб дарвозаси томон йўл топиш учун улар бизга керак эди. Тез ҳаракатланиш, диагонал узатмалар бериш орқали «Атлетико» ҳимоясида бўш ҳудудлар топдик. Уларнинг ҳар иккиси ҳаддан ташқари яхши ўйнашди. Бензема ҳам. Васкес ҳам феноменал ўйин кўрсатди, Каврахаль, Рамос ва Варан ҳам. Ҳамма зўр ўйнади!

Ротация? Кўрамиз. Бизда 3та ўйинни деярли ўзгаришларсиз ўтказдик. Аммо мен барчанинг хизматидан фойдаланмоқчиман», – деди Зидан.