Туриннинг «Ювентус» клуби президенти Андреа Аньелли Пауло Дибаланинг агенти билан клуб гаплашмагани ҳақидаги фикрига муносабат билдирди.
«Биз Дибалани келажакдаги сардоримиз сифатида кўряпмиз. У биз томондан таклиф олганини биламан. Уни Европада энг кўп маош оладиган футболчилар қаторига қўшмоқчимиз. Биз унинг жавобини сабрсизлик билан кутяпмиз, лекин энг асосийси – унинг майдондаги жавоби.
Барчамиз Паулони Европанинг энг яхши беш нафар футболчилари рўйхатидан жой олишини хоҳлаймиз. Ҳозир у бу рўйхатдан жой олмаган ва буни унинг ўзи яхши билади», - деди Аньелли Tuttosport билан суҳбатда
