Англиянинг «Манчестер Юнайтед» клуби собиқ бош мураббийи Алекс Фергюсон Жерар Ульенинг вафоти ҳақида муносабат билдирди.

«Ушбу хабар мени эрталабда ваҳимага солди. Жерар Улье ҳали ёш эди, у энди 73 ёшни қарши олганди.

У «Ливерпул»да ишлаган пайтида менинг дўстимга айланганди. Ажойиб муносабатга эга эдик ва у жамоадан кетганидан кейин шундай инсон билан дўстлашганимдан хурсанд бўлгандим.

У футболни жуда яхши тушунарди ва ўзининг мана билимлари туфайли фаолияти мобайнида бир қатор совринларни қўлга киритди. УЕФА томонидан ташкил этилган турли тадбирларда учрашганимизда мамнуният билан суҳбатлашардик. Унинг ёнида бўлиш мен учун ёқимли эди, энди уни соғинаман. У ҳақиқий жентльмен эди.

Бу футбол учун оғир кун», – деди Фергюсон.