Лондоннинг «Тоттенхэм» клуби бош мураббийи Жозе Моуриньо «Манчестер Юнайтед»даги фаолиятини эсга олди.
«Манчестер Юнайтед»да менга вақт етишмаганди. Бу - мен жараённинг ўртасида кетишни хоҳлаган биринчи клуб саналади. Бироқ, мен ўзгаларнинг қарорларини ҳурмат қиламан. Ҳозир мен бахтиёрман, улар ҳам қониқишган. Ўзаро муносабатларимиз аъло даражада. Клубни тарк этаётганимда бу сўзларни фахр билан айтганман», - португалиялик мураббийнинг сўзларидан иқтибос келтирмоқда Goal портали.
Моуриньо "манкунианликлар"ни 2016 йилдан 2018 йилгача бошқарган. Унинг қўл остида "қизил иблислар" Англия Суперкубогини, Лига Кубогини ва Европа Лигасини қўлга киритган.
