Неаполликлар устози Женнаро Гаттузо «Интер»га қарши муҳим баҳсда шогирдининг майдондан четлатилганидан норози. У бунда ҳакамларни айбламоқда.

«Менинг пенальти борасидаги қарорга умуман эътирозим йўқ. Фақатгина бу ерда қизил карточкани кейинчалик жиддий таҳлил қилиб чиқишларини сўрардим. Энг муҳим паллада жамоа сардорини майдондан четлатиш адолатсиз қарор.

Ҳакам билан ўшандан 2 дақиқа олдин мен ҳам гаплашган эдим. У ғазабда эди. Футболчиларнинг ҳар бир эътирозига реферилар кескин реакция билдириши ўйинни бузиб қўяди. Афсуски, бу фақат Италияда бўладиган жараён. Англия ва Шотландияда ҳакамлар футболчиларнинг эътирозларини эшитмаганга олишади ва ўйинга таъсир ўтказишмайди. У Инсиньени кечириши керак эди», - дейди мураббий.

Эслатиб ўтамиз, баҳснинг 71-дақиқасида белгиланган пенальтига эътирози сабаб Инсиньега қизил карточка кўрсатилган эди.