Англиянинг «Ливерпуль» клуби сардори Жордан Хендерсон АПЛ доирасида «Тоттенхэм» (2:1) устидан қўлга киритилган ғалаба ҳақидаги фикрлари билан ўртоқлашди.

«Жуда кўп тактикаларга бой бўлган яхши ўйин бўлди. Кутилганидек, биз устунлик қилдик, тўпга эгалик қилдик ва етарлича вазиятларни яратдик, рақиб эса қарши ҳужумда ўйнади. Умуман олганда, ўйин зўр бўлди.

Биз бор эътиборимизни ҳакамнинг сўнгги ҳуштаги чалингунгача қаратамиз («Ливерпуль» ғалаба тўпини 90-дақиқада киритди – таҳририят). Йигитларнинг ўйинидан қониқдим, уч очкони ҳақли равишда қўлга киритдик. Бу мавсумдаги энг яхши ўйинларимиздан бири бўлди», – деди Хендерсон.