Angliyaning «Liverpul» klubi sardori Jordan Xenderson APL doirasida «Tottenxem» (2:1) ustidan qo‘lga kiritilgan g‘alaba haqidagi fikrlari bilan o‘rtoqlashdi.

«Juda ko‘p taktikalarga boy bo‘lgan yaxshi o‘yin bo‘ldi. Kutilganidek, biz ustunlik qildik, to‘pga egalik qildik va yetarlicha vaziyatlarni yaratdik, raqib esa qarshi hujumda o‘ynadi. Umuman olganda, o‘yin zo‘r bo‘ldi.

Biz bor e’tiborimizni hakamning so‘nggi hushtagi chalingungacha qaratamiz («Liverpul» g‘alaba to‘pini 90-daqiqada kiritdi – tahririyat). Yigitlarning o‘yinidan qoniqdim, uch ochkoni haqli ravishda qo‘lga kiritdik. Bu mavsumdagi eng yaxshi o‘yinlarimizdan biri bo‘ldi», – dedi Xenderson.