Хабарингиз бор, 20 декабрь, якшанба куни Намангандаги “Марказий” ўйингоҳда Ўзбекистон Coca Cola кубоги-2020 финал учрашуви бўлиб ўтади.

Кубок беллашувларининг ҳал қилувчи ўйинида AГМК ва “Пахтакор” ўзаро ғолиблик учун баҳс олиб боришади.

Финал учрашуви олдидан 19 декабрь санасида эса ўйин олди тадбирлари ўтказилиши режалаштирилган:

* AГМК футбол клуби расмий машғулоти – соат 12:00 дан 13:00 гача (дастлабки 15 дақиқаси ОAВ учун очиқ)

* AГМК футбол клуби бош мураббийи ва жамоа етакчиларидан бири иштирокида матбуот анжумани – соат 13:30 дан 14:00 гача

* “Пахтакор” футбол клуби бош мураббийи ва жамоа етакчиларидан бири иштирокида матбуот анжумани – соат 14:00 дан 14:30 гача

* “Пахтакор” футбол клуби расмий машғулоти – соат 15:00 дан 16:00 гача (дастлабки 15 дақиқаси ОAВ учун очиқ)

Расмий машғулот жараёнлари ҳамда матбуот анжуманларини бевосита воқеа жойидан ёритиб бориш истагида бўлган барча турдаги ОAВ вакилларини “Марказий” стадионига таклиф этамиз. Ушбу тадбирларга журналистлар ЎзПФЛ томонидан берилган аккредитация карточкаларини кўрсатган ҳолда киришлари мумкин бўлади.

Таъкидлаб ўтамиз, Ўзбекистон Coca Cola кубоги-2020 финал учрашуви 20 декабрь куни соат 15:00 да Намангандаги “Марказий” стадионда бошланади.