Мюнхеннинг «Бавария» клуби ҳужумчиси Роберт Левандовски "The Best" совринини қўлга киритганидан кейинги фикрлари билан ўртоқлашди.

«Мураббийлар штаби ва жамоага миннатдорчилик билдирмоқчиман. бу совринни Месси ва Роналдулар даврида қўлга киритиш – бу алоҳида туйғу. Мен жуда фахрланаман ва бахтлиман. Бу мен ва жамоадошларим учун муҳим кун. Ақлбовар қилмас ҳис-туйғуларга бойман.

Жорий мавсумда қўлимиздан келган барча совринларни қўлга киритдик. Асосий соврин бу – албатта Европа Чемпионлари Лигаси. Ушбу турнирда ғалаба қозонишим менга ҳар доим орзуларингга ишонишинг кераклигини ва бу учун албатта мукофотланишингни кўрсатди», – деди польшалик футболчи тақдимот маросимида.