Myunxenning «Bavariya» klubi hujumchisi Robert Levandovski "The Best" sovrinini qo‘lga kiritganidan keyingi fikrlari bilan o‘rtoqlashdi.
«Murabbiylar shtabi va jamoaga minnatdorchilik bildirmoqchiman. bu sovrinni Messi va Ronaldular davrida qo‘lga kiritish – bu alohida tuyg‘u. Men juda faxrlanaman va baxtliman. Bu men va jamoadoshlarim uchun muhim kun. Aqlbovar qilmas his-tuyg‘ularga boyman.
Joriy mavsumda qo‘limizdan kelgan barcha sovrinlarni qo‘lga kiritdik. Asosiy sovrin bu – albatta Yevropa Chempionlari Ligasi. Ushbu turnirda g‘alaba qozonishim menga har doim orzularingga ishonishing kerakligini va bu uchun albatta mukofotlanishingni ko‘rsatdi», – dedi polshalik futbolchi taqdimot marosimida.
