Москванинг "Спартак" клуби ҳимоячиси Алекс Крал фаолиятини Англия Премьер-лигасида давом эттириши мумкин. Бу ҳақда The Athletic нашри хабар бермоқда.
Манбанинг ёзишига қараганда, 22 ёшли чехиялик футболчининг хизматига Лондоннинг «Вест Хэм» клуби қизиқиш билдирмоқда. «Болғачилар» бош мураббийи Дэвид Мойеснинг фикрича, Крал жамоа марказий ҳимоясини кучайтира олади.
Ушбу битим катта эҳтимол билан январь ойида амалга ошиши кутилмоқда.
Алекс «Спартак» клубига 2019 йилнинг кузида келиб қўшилган ва жамоа билан узоқ йиллик шартнома имзолаган. Унинг "Спартак" билан 2023/2024 йилги мавсумнинг охиригача шартномаси бор.
